ງານວາງສະແດງສິນຄ້າຈີນ-ອາຊຽນ ມີການເຊັນສັນຍາຮ່ວມມືລົງທຶນ 470 ໂຄງການ
ສຳນັກຂ່າວຊິນຮວາ ລາຍງານວັນທີ 19 ກັນຍາ ນີ້ວ່າ: ງານວາງສະແດງສິນຄ້າຈີນ-ອາຊຽນ, ກອງປະຊຸມສຸດຍອດການຄ້າ ແລະ ການລົງທຶນຈີນ-ອາ
ຊຽນ ຄັ້ງທີ 20 ຈັດຂຶ້ນຢູ່ນະຄອນໜານໜິງ ເຂດປົກຄອງຕົນເອງເຜົ່າຈ້ວງກວາງຊີ ສປ ຈີນ ອັດລົງດ້ວຍຜົນສຳເລັດຕາມແຜນການ. ໃນກອງປະຊຸມຖະ
ແຫຼງຂ່າວອັດງານວາງສະແດງ, ທ່ານ ເວີຍຈ່າວຫຸ່ຍ ຫົວໜ້າກອງເລຂາງານວາງສະແດງສິນຄ້າຈີນ-ອາຊຽນ ໃຫ້ຮູ້ວ່າ: ງານຄັ້ງນີ້ ໄດ້ເຊັນສັນຍາຮ່ວມມື
ດ້ານການລົງທຶນ 470 ໂຄງການ, ຍອດມູນຄ່າການລົງທຶນມີເຖິງ 487,3 ຕື້ຢວນ, ເພີ່ມຂຶ້ນ 18% ເມື່ອທຽບໃສ່ຄັ້ງຜ່ານມາ. ບຣູໄນໄດ້ເຊັນສັນຍາຈັດ
ຊື້ເຮືອບິນໃຫຍ່ 30 ລຳທີ່ຜະລິດໂດຍ ສປ ຈີນ ເຊິ່ງມີມູນຄ່າຫຼາຍກວ່າ 2 ຕື້ໂດລາ, ເປັນໃບສັ່ງຊື້ສິນຄ້າໃຫຍ່ທີ່ສຸດໃນປະຫວັດສາດຂອງງານວາງສະແດງ
ສິນຄ້າຈີນ-ອາຊຽນ. ງານວາງສະແດງສິນຄ້າຄັ້ງນີ້, ລວມມີວິສາຫະກິດ 1.953 ແຫ່ງຈາກ 46 ປະເທດເຂົ້າຮ່ວມ, ເພີ່ມຂຶ້ນ 18,2% ເມື່ອທຽບໃສ່ຄັ້ງ
ຜ່ານມາ, ໃນນັ້ນ ວິສາຫະກິດຕ່າງປະເທດມີ 738 ແຫ່ງ, ເປັນວິສາຫະກິດຂອງປະເທດສະມາຊິກອາຊຽນ 644 ແຫ່ງ. ອີງຕາມແຫຼ່ງຂ່າວເບື້ອງຕົ້ນ
ໃຫ້ຮູ້ວ່າ: ງານວາງສະແດງສິນຄ້າຈີນ-ອາຊຽນ ແລະ ກອງປະຊຸມສຸດຍອດການຄ້າ ແລະ ການລົງທຶນຈີນ-ອາຊຽນ ຄັ້ງທີ 21 ຈະຈັດຂຶ້ນຢູ່ນະຄອນເຈີ້ງ
ໂຈ່ວແຂວງເຫີນານຈີນລະຫວ່າງວັນ ທີ 23-27 ກັນຍາ 2024.
ແຫຼ່ງທີ່ມາ: ໜັງສືພິມກອງທັບ
ວັນທີ 26/09/2023